شعر براي مطلب پاييني

یازار : TTOTT  |  بؤلوم :

+0 امتياز

زرتشتمين ايلك آلايي
آل بابكين قانلي هايي
خزر دوزو آراز چايي
كؤنول آرزوم اورك گولوم
آنا لاي لام توركي ديليم
گونشين ايستي نفسي
طبيعتين اورك سسي
آذر عشقي اود هوسي
هاي هاراييم اوبام ائليم
آنا لاي لام توركي ديليم
تاريخ بويي موباريزه
اودلار ديلين تؤكمز ديزه
چاي ايسه دونوب دنيزه
سني ياشا قوي من اؤلوم
آنا لاي لام توركي ديليم
ده ده قورقودون بناسي
خان چوبانين سئل ساراسي
خالق اورگي ائل آيناسي
اورك سازيم قوپوز تئليم
آنا لاي لام توركي ديليم
دامارين اولماسا قاني
نئجه ياشادار انساني
اودلار اوغلو جاويداني
من تاريخدن نئجه سيليم
آنا لاي لام توركي ديليم

0 باخیش جمعه 1390.8.27



  • [ ]