دومان (اوْ) .......................DUMAN 
چن، سيس، بوغونوق هاوا دورومو

دؤنمز (اوْ) .......................DÖNMƏZ 
قاييتمايان، دايانان، توتدوغو يولو بوراخمايان، وئردييي سؤزه باغلي
قالان، اوز چئويرمه‌ين

دوزگون (اوْ) ...................DÜZGÜN 
 دوز، ساغلام، نظم‌لي، دوز ايش گؤر‌ن، اينانمالي

ريحان (ق) .......................REYHAN 
خوش عطيرلي بير گول، گؤللري نارين و عطيرلي بير گول

سارا (ق) ..........................SARA 
 سارا

ساراي (ق) ........................SARAY 
بوتون آي 

سارغين (ق) ...................SARĞIN 
چكيجي، جاذبه‌لي ، ساريلميش، يوماق

سارگول (ق) ....................SARGÜL 
ساري گول

سارمان (اوْ) ....................SARMAN 
ساري اوزلو

سارين (اوْ) .......................SARIN 
ماهني، شرقي

سالار (اوْ) .......................SALAR 
 سالماق مصدريندندير؛، هر ايشي سهمانا سالان، رقيب‌لر و پهلوانلاري
ييخيب يئره سالان، بؤيوك و گوجلو پهلوان، تؤرك ائللريندن بيرينين آدي

ساناز (ق) .........................SANAZ 
ساني آز اولان، تايسيز

سانال (ق) .................SANAL 
آدليم، شوهرتلي، آدلي- سانلي

ساناي (ق) ..................SANAY 
آي شوهرتلي، آي كيمي پاكليغا- گؤزللييه تانينميش، قرارسيز، بير يئرده
دايانا بيلمه‌ين

ساوالان (اوْ) .......................SAVALAN 
باج آلان، آذربايجانين ان اوجا داغي ساوالاندير، بو سوسموش و ولقانلي
داغين زيروسينده گؤزل بير گؤل وار. ساوالانين معناسيندا باشقا
فيكيرلرده ايره‌لي سورولور:
ساوا خوشبختليك و سعادت قوشودور
ساو خبر و موشتولوق معناسيندادير
ساو، سان و شهرت دئمكدير
ساو ديوان‌الغات‌الترك ده مثل و آتالار سؤزو آنلاميندا گلميشدير.

سحر (ق) .....................SƏHƏR 
گونون آچيلان زاماني

سايا (ق) .....................SAYA 
 بير اوزلو، بير رنگ، قاتيشيغي اولمايان، دوز آدام، صاف و ساده آدام،
آذربايجانين فولكولوريك شعر نوع‌لريندن؛ سايالاري ساياچيلار بايرام
چاغلاري شهرلر و كندلرده گزيب اوخويارلار.

سايان (اوْ) .......................SAYAN 
تربيه‌لي، حؤرمتجيل، سايار، سايغيلي ، شرقدن يابلنوئي و غربدن آلتاي
داغلارينا باغلانان، سيبيرايله موغولستان آراسينداكي سيرا داغلارين آدي

سايمان (اوْ) ...................SAYMAN 
بؤيوك خان ، چوخ سايغيلي ، حساب ايشلريله اوغراشان، محاسبه‌چي

سئودا (ق) .....................SEVDA 
سئوگي، ايستك

سئوگي (ق) ................SEVGİ 
سئودا، سئومك دويغوسو

سئوگي‌ناز (ق) .................SEVGİNAZ 
مهربان و نازلي قيز

سئويل (ق) ..................SEVİL 
سئويلن، سئوگي‌يه ده‌ين، سئومه‌لي

سئويل‌آي (ق) .................SEVİLAY 
سئوگي‌يه ده‌ير آي، سئويلن آي

سئوين (ق) .................SEVİN 
 سئوينمك، شاد اول، غم گؤرمه، هميشه شادليقدا اول

سئوينج (ق) ................SEVİNC 
شنليك، شن اولماق، سئوينمك

سلجوق (اوْ) ................SELCUQ 
 سئل كيمي آخان، بؤيوك سلجوقي دولتي‌نين قوروجوسو، دده‌قورقود
ناغيللاريندا اوروزقوجانين اوغلو سلجوق، دوندارين آتاسينين آديدير.

سولماز (ق) .................SOLMAZ 
هميشه ياشايان، سولمايان، گؤزلليگيني هميشه‌ليك ساخلايان، رنگيني
ايتيرمه‌ين

سوماي (ق) ....................SOMAY 
بوتون آي، ماه بدر

سونا (ق) ...........................SONA 
 گؤز‌ل‌ليكله تانينميش بير جور اؤردك – قو، گؤزل، گؤيچك

سونار (اوْ) .......................SONAR 
سون درجه‌ده ايگيت و قوچاق اولان، قهرمان

سونال (ق) ......................SONAL 
سوناايله باغلي، سونا قوشو ايله ايلگيلي

سوناي (ق) .................SONAY 
آخيرينجي آي، سونونجو آي، تايسيز آي، ايلين سون آييندا دونيايا گلميش

سون‌گول (ق) ................SONGÜL 
سون آچان گول، سون درجه‌ده گؤزل گول

سؤنمز (اوْ) .......................SÖNMƏZ 
هئچ سؤنمه‌ين، هميشه يانيب ايشيق وئره‌ن، هميشه سئوگي ايله ياشايان

سهند (اوْ) .......................SƏHƏND 
سهند آذربايجانين بؤيوك داغلارينداندير، اونون 17 قله‌سينين اوجاليغي
3000 متردن يوخاري‌دير. سهندين "جام داغي" يئرلي ماد- ماننالارين ديني
اولان زرتشتيزم و مقدس اود اوجاقلارينين مركزي اولموشدور.

شاخار (اوْ) .......................ŞAXAR 
پارلار، چاخار، ايشيقلانار

شلاله (ق) .....................ŞƏLALƏ 
اوجا يئردن آخان سويون شيريلتي‌سي، آبشار

شنال (ق) .....................ŞƏNAL 
يولداشليق ائدن، شنليك‌له عؤمور سوره‌ن، شن اينسانلارلا يولداشليق ائدن

شن‌آي (ق) .....................ŞƏNAY 
سئوينج و شادليقلا كئچن آي، ايلك اوشاغين دوغولدوغو آي 

شوباي (اوْ) .......................ŞUBAY 
دؤيوشچو، عسگر

شيرين (ق) .....................ŞİRİN 
ديلده- يئرده شيرين، سئومه‌لي قيز اوشاغي

شيما (ق) .........................ŞİMA 
قديم تورك آدلاردان

شيمشك (اوْ) ..................ŞİMŞƏK 
ايلديريمدان تؤره‌نن ايشيلتي، بولوتدان بولوتا يا بولوتدان يئره
بوشانيركن يارانان و چاخان اؤته‌ري ايشيق، آذرخش

طرلان (اوْ) ....................TƏRLAN 
ترلان

طغرا (اوْ) .......................TOĞRA 
توغرا

طغرل (اوْ) .....................TOĞROL 
توغرول

فرآي (ق) ..................FƏRAY 
اويغون آي، ياراشيقلي آي، فايدالي و بهره‌لي آي، آي كيمي ياراشيقلي،
اويغون و بهره‌لي 

فرتان (ق) ..................FƏRTAN 
ياراشيقلي و اويغون دان، پارلاق دان، گونشين بولوتسوز بير هاوادا
چيخماسي، چيخارلي سحر

فرخان (اوْ) ...................FƏRXAN 
فرلي خان، باجاريقلي خان

فيدان (ق) .....................FİDAN 
آغاج و آغاج‌جيقلارين هله يئني يئتيشه‌ني، تينگ، تنه‌ك، نهال

قاچاي (اوْ) ......................QAÇAY 
 آي پارچاسي، سئوئر، زرنگ و چئويك ايگيت 

قاراخان (اوْ) .....................QARAXAN 
بؤيوك خان، آلپ‌ارتونقانين(افراسياي) بؤيوك سردارلاريندان

قارامان (اوْ) ......................QARAMAN 
قهرمان، قاراشين، جنوب غربدن اسن يئل، قارامانلار سلسله‌سينين
قوروجوسو. 

قارتال (اوْ) ......................QARTAL 
اوجا داغلارين اوچوروملاري و ال چاتماز يئرلرده يووا سالان ان گوجلو
ييرتيجي قوش، فيكري يوخاري‌لاردا گزه‌ن، ايشله‌ره مسلط اولان، گوجلو،
اراده‌لي و قورخماز 

قرنفيل ( ق) .................QƏRƏNFİL 
گول آدي‌دير، ميخك

قوقوش (ق) ...................QUQUŞ
قو قوشو، قو قوشو كيمي گؤز‌لليكده و گؤيچك‌ليكده آدليم اولان، فارسجا
گوگوش يازيلير

قومرال (ق) ....................QUMRAL 
آچيق قهوه‌اي، قونور آل

كؤنول (ق) ......................KÖNÜL 
اوره‌ك، ايستك

گؤيخان (اوْ) .......................GÖYXAN 
اوغوزخانين اوغلونون آدي

گؤيوش (اوْ) .......................GÖYÜŞ 
فيدان، يئني يئتمه، جوجرتي

گولتاش (ق) .....................GÜLTAŞ 
گول كيمي، گول تكين، گول ايله برابر اولان

گول‌سان (ق) .................GÜLSAN 
گول كيمي گؤزل و طراوتلي، گول سانيلان 

گولخان (اوْ) .................GÜLXAN 
گول كيمي سئويلن خان

گولدن (ق) .................GÜLDƏN 
گول كيمي، گول ساييلان، گولدن يارانان

گولر (ق) ...................GÜLƏR 
اوزوگولن، غملي اولمايان، شاد ياشايان، نازلانان، خوشبخت اولان

گوللر (ق) ..................GÜLLƏR 
گولون جمعي‌دير، گوللر كيمي پاك و گؤزل چيچكاه‌نر، دايم گوللو اولار

گولمان (اوْ) .......................GÜLMAN 
گولر، گولوجو، گولومسه‌ييجي

گول‌ناز (ق) ..................GÜLNAZ 
نازلي گول

گون‌ال (ق) ................GÜNƏL 
گونش اللي، الي ايشيقلي، الي ايستي، الي دولو 

گونال (ق) .....................GÜNAL 
گون ايله ايلگيلي، گونشه باغلي

گوناي (ق) .....................GÜNAY 
گونون دايانان يئري، گونش گؤرونن يئر ، گون كيمي پارلاق و ايشيقلي آي

گونتاش (ق) ...................GÜNTAŞ 
گون كيمي، گونشله برابر

گونتان (ق) ...................GÜNTAN 
گونون ائركن چاغلاري، دان سؤكولن زامان

گونتاي (ق) .....................GÜNTAY 
گونش كيمي، گونش برابر

گونر (ق) ...................GÜNƏR 
گونش چيخان چاغي

گونش (ق) .................GÜNƏŞ 
يئره ايستي و ايشيق كوره، گون، گونون ايشغي، گونون ايشيغي دوشن يئر 

لاچين (ق) .................. LAÇIN 
جسارت و قورخمازليق رمزي اولان بو شكاري قوشون آدي، اوغلان آدي اولماغا
اويغون گليرسه‌ده اونون گؤزللييي قيز آدينا چئوريلمه‌سينه سبب
اولموشدور. 

لاله (ق) .................LALƏ 
داغدا چؤلده سو قيراغيندا و شئح يئرده گؤيه‌رن كيچيك بير گولون آديدير.

ماتان (ق) .................MATAN 
آغ، توتوق، گؤز‌ل، گؤيچك

مارال (ق) ..............MARAL 
جئيران، گؤزل، گؤيچك 

ماناس (ق) ................MANAS 
اورتا آسيا توركلرينين گؤزل و بؤيوك ناغيللاريندان اولان "ماناس"
ناغيلي‌نين قهرماني. ماناس ناغيلي حجم باخيميندان دونيانين ثبته
يئتيشميش ان بؤيوك ناغيلي‌دير.
دونيانين آدليم و بؤيوك ناغيللاريندان "انه‌ئيد" و "ايلياد" هر بيريسي
10 مين، "اديسه" 12 مين، "شاهنامه" 60 مين، "رامايانا" 48 مين،
"مهابهاراتا" 214 مين بيت‌ديرلر بير حالدا كي "ماناس" ناغيلي‌نين
مصراعلارينين سايي ياريم ميليوندان آرتيق‌دير. بو ناغيلين چئشيدلي
واريانتلاريني نظره آلاندا بو سايي بير ميليون مصراعدان يوخاري گئدير.

ماهني (ق) ................MAHNI 
نغمه، مارش، بسته‌لنميش ريتم‌لي دئيش

مايدا (ق) .................MAYDA 
نارين، اينجه

مايسا (ق) ..................MAYSA 
پاييزدا آرپا اكيني، تاخيل

متين (اوْ) .......................MƏTİN 
آغير، وقارلي. متين چوخ قديم آدلارداندير، بو سؤز اسكي چاغلاردان تورك
ديليندن عرب ديلينه و او ديلدنده فارس ديلينه كئچميش و هله‌ده بو
ديللرده ايشلك سؤزلردندير.

مونار (ق) ...................MUNAR 
ايلغيم، گؤز خطاسي ايله پاريلتيلاري اوزاقدان سو كيمي گؤرمك، گؤز
يانيلماسي، سراب

نارگيله (ق) .................NARGİLƏ 
 نار، نارداناسي، آذربايجان اويون هاوالاريندان، عزير بير دانا 

نارگول (ق) .....................NARGÜL 
نار گولو كيمي اينجه و گؤزل اولان

نارين (ق) ........................NARIN 
كيچيك، يوموشاق، اينجه

نازگول (ق) ..................NAZGÜL 
نازلي گول

نازلي (ق) .....................NAZLI 
عشوه‌لي، ناز ائدن

نازنين (ق) ...................NAZƏNİN 
نازيله، عزيزليق‌يله بويويه‌ن قيز

نرگيز (ق) .....................NƏRGİZ 
 قديم و آدليم توركو آدلاردان ، آغ، كيچيك و گؤزل قوخولو بير گولون
آديدير. عربجه اونا نرجس دئيلير، بو سؤزون چوخ قديم زامانلاردا عرب
ديلينه كئچمه‌سي ممكوندور. بعضي‌لر بو آدين يونان سؤزو اولدوغونو
دوشونورلر، قديم يونان ناغيل‌لاريندا نارسيس آدلي گؤزل و غرورلو بير
اوغلان وار، بير گون بو اوغلان اؤز شكليني سودا گؤرور اؤز-اؤزونه
وورولوب عاشيق اولور، اورادا قاليب و دونور. اونون دونوب قالديغي و
آرادان گئتدييي يئرده بيتن چيچه‌يين آدي نارسيس قويولور. آنجاق بوتون
شرق اؤلكه‌لرينده نرگيز قيز آديدير بو آدين نارسيس‌له اوخشارليغي
اولسادا اونونلا هئچ بير علاقه‌سي يوخدور.

نورسل (اوْ) ....................NURSƏL 
نور كيمي ، پارلاق، نورسان

نورسئل (اوْ) ....................NURSEL 
نور سئلي، سئل كيمي ايشيق

اوختاي (اوْ) .....................OXTAY 
اوخ كيمي، سرعت‌له ايش آپاران، قيزغين

اودمان (اوْ) ....................ODMAN 
اودلو، چوخ آلاولي، چوخ حرارتلي

اوغوز (اوْ) .....................OGUZ 
تورك ائللريندن، ساغلام و گوجلو آدام 

اونار (ق) ..................ONAR 
عزيزليك، سايغي

اوناي (ق) ....................ONAY 
اويغون، يئرينده، يارارلي

اونور (اوْ) ...................ONUR 
 گوجلو، قدرتلي، شرف، ناموس، اؤزلوك، معنوي ده‌ير، انسانين اؤزونه 
دويدوغو سايغي 

اورخان (اوْ) .....................URXAN 
شهرين حاكيمي، شهرين بؤيوگو، خاني

اورشان (اوْ) ....................URŞAN 
شاني يوكسك

اوغور (اوْ) .......................UĞUR 
خوشبخت‌ليك، گؤروش، آلين يازيسي، يازغي 

اولدوز (ق) ......................ULDUZ 
گونش و آي‌دان باشقا گؤيده گورونن ايشيقلي جسملردن هر بيري

اوماي (ق) ...................UMAY 
قديم ملت‌لرين بعضي‌سي هر بير طبيعي عاميله اؤزه‌ل تانري قرار وئريب
اونا اينام بسلرديلر، مثلا گوي تانريسي، دنيز تانريسي و ... – رب‌النوع

اومود (اوْ) ......................UMUD 
آرزي، ايستك، گؤزله‌مك، گووه‌نج، آرخايين 

اوميد (اوْ) ......................ÜMİD 
اومود

اولجان (ق) ...................ÜLCAN 
حركتلي، چوخ جانلي، يئرينده دورمايان

اولكر (ق) .................ÜLKƏR 
اولدوز، ثريا اولدوزو

واران (اوْ) ....................VARAN 
اوغور قازانان، نائليت الده ائدن، چاتان، يئتيشن

وورغون (اوْ) .....................VURĞUN 
وورولموش، كؤنول وئرميش، سئودالي

هاراي (اوْ) .....................HARAY 
سس، هاي، جار، چيغيرتي

ياشار (اوْ) ....................YAŞAR 
قالار، اونودولماز، اؤلمز

يالچين (ق) .................YALÇİN 
اوجا صخره، سرت قايا، اؤرتولمه‌ميش، گيزلنمه‌ميش 

يالمان (اوْ) .....................YALMAN 
قيلينجين كسرلي يئري، كسيجي، و باتيجي سلاحلارين كسن و باتان قسمي

يالقيز (اوْ) ....................YALQIZ 
تك، كيمسه‌سيز، ائولنمه‌ين، مجرد 

يانار (اوْ) .....................YANAR 
آلاولانار، سؤنمز

ياووز (اوْ) ....................YAVUZ 
قورخولو، دهشتلي

ييلماز (اوْ) .....................YILMAZ 
سارسيلماز، يورولماز، اؤلمز، اوره‌كلي

ايپك (ق) .....................İPƏK 
ايپك بؤجه‌يي بارامالاري (پيله) چؤزوله‌رك چيخان اينجه، يوموشاق و
پارلاق تئل، اينجه، يوموشاق 

ايلقار(ايلغار) (ق) ....................İLQAR 
آنلاشما، سؤز وئرمه، دوشمانا ساري يوروش، يغما 

ايلياز (اوْ) .......................İLYAZ 
باشا- باش ياز اولان ايل، ايلي باشا- باش ياز كيمي اولان كيمسه،
عؤمرونو شادليقلا سور‌ن 

ايلديريم (اوْ) ......................ILDIRIM 
بولوتدان، بولوتا يا يئره الكتريك بوشالماسي، گؤي گورولتوسو

سلام
من آتروپاتنا (TTOTT) و يولداشم ايكيميز بير يرده بو وبلاگي يازروخ اينشالاه بو وبلاگي بيه نسيز
بو وبلاگ آذربايجان اوچون يازلر و آيري هدفي يوخدو
آذربايجان اوياخدي و اوياخ دا قالاجاخ
ياشاسين آذربايجان/ياشاسين ايران/ياشاسين تيراختور/ياشاسين تورك ميلتي