شعر اورمو گولي
+0 امتياز
اورمو گولي
اورمو گولي ايللر بويي آغلادي
آغلاييب آخير اوره گين داغلادي
اينديسه هيجرينده يانان دالغادي
اورمو گولي گوز ياشيوا نه گلدي؟
بوجور ياشدا گور باشيوا نه گلدي !
اورمو گولي داده يئتن يوخدي يوخ
غم سوزونه قولاخ وئره ن يوخدي يوخ
آغلار گوزون ياشين سيله ن يوخدي يوخ
چه ن چكيليب گوز قاشيوا نه گلدي !
بوجور ياشدا گور باشيوا نه گلدي !
اورمو گولي چايلاريني دانلاماز
سوز دمه يه خوروز كيمي بانلاماز
ساكيت ياتيب دردين ئوزگه آنلاماز
چاي دا اولان سير داشيوا نه گلدي؟
بوجور ياشدا گور باشيوا نه گلدي !
اورمو گولي سن دا كمك سسله مه
اوزاخ، يوخون چايدان مدد ايسته مه
سن اونلارين باتان يئرين ايزله مه
آرخا دوران يولداشيوا نه گلدي؟
بوجور ياشدا گور باشيوا نه گلدي !
اورمو گولون دادينه يئت سن آراز
اوزاخدي يول آمما كي گئت سن آراز
گل بو گوله بير يارديم ائد سن آراز
آراز چايي گور قارشيوا نه گلدي !
بوجور ياشدا گور باشيوا نه گلدي !
بلاگا گؤره
من آتروپاتنا (TTOTT) و يولداشم ايكيميز بير يرده بو وبلاگي يازروخ اينشالاه بو وبلاگي بيه نسيز
بو وبلاگ آذربايجان اوچون يازلر و آيري هدفي يوخدو
آذربايجان اوياخدي و اوياخ دا قالاجاخ
ياشاسين آذربايجان/ياشاسين ايران/ياشاسين تيراختور/ياشاسين تورك ميلتي