آذربـايــــــجان اوچون يازيلان شعرلر

یازار : TTOTT  |  بؤلوم : ادبي و فرهنگي

+0 امتياز

 

   آذربـايــــــجان
  عزيـز آذربايــــــــــجان اي گوزل ديار،
  آنامـين مــــهريــبان قوجــاقي سنسـن،
  كونول طرلانينين اوچوپ قونـــدوغي،
  اونون چوخ سوديگي بوداغي سنسن!
  سنسن دوشوندوگوم سنسن آنديغيم،
  مـــنيم بو دونــــــيادا آرخالاند يغــيم،
  يـــــئتر آليشديغـــيم يــئتر يا نديغــيم،
  شعريمين قلبيمين سوراغي سنسن!
  قوي آچسين كونليمي سوزلريم منيم،
  سندن نجات اومـــورگوزلريم مــــنيم،
  هـــــله اگيلمه­ييب ديـــــزلريم مـــنيم،
  چونكو او ديـزلرين داياغي سـنسن!
  دئسم ده وورغونام ديــوانه ســانما،
  من كي اوز اوغلونام بيگانه ســانما،
  بير شمسيز آتشسيز پروانه ســانما،
  يانديغيم اودلارين اوجاغي ســنسن!
  چوخ واخت اومود وئرير بوائللر منه،
  گـــليب قوشــولورلار چون ائـللر منه،
  آچير اوز ســــيريني كونــــوللر مـــنه،
  ديير يوردوموزون قوناقي ســـــنسن!
  نه اولار كي كونلوم بــير لاله اولـسا،
  بـاهــارين الـــينده پــــياله اولــــــسا،
  آزادلـيق دونـــــيايا شــــلاله اولـــسا،
  اونون قايـــناديغي بولاغي ســـنسن!
  ســــيـخسادا نه قــدر روزگار مــــني،
  يانديريب ياخــسادا انــــتظار مـــــني،
  بوغـــــماز فـــــرتانالار دريالار مني،
  چون آغير گونومين ماياغي سنسن!
  قوي بيلسين اي وطن هرآلچاق ياغي،
  سولســون او كونلينين اميد يارپاغي،
  ســن بابك يوردوسان آذر توپراغي،
  آصــلانلار اويلاغي ياتاغي ســـنسن! 
 

0 باخیش پنجشنبه 1390.5.27



  • [ ]