اوستاد شهريارين توركيه شعري
یازار : TTOTT | بؤلوم : ادبي و فرهنگي
+0 امتياز
گلميشم نازلي هيلال اولكه سينه
فكرتين اينجه خيال اولكه سينه
آكفين مارشي ياشارديپ گوزومو
باخيرام "يحيي كمال " اولكه سينه
اوت ايسلام اوجاغي توركيادير
بير موسللاسي ايا صوفيادير
بوردا رومي گيبي عاريفلر وار
صوفي لر عابيده سي قونيادير
گورونور پرده سين آچديقجا خيال
باشدا فيكرت له دوروپ يحيي كمال
سون اديب لر صفيدير ،باخ نه جمال
شهريار دان نه آغيــر ايستيقبال
بير هيلال پارلياراق اولدو گونش
بير ساچاقلي گونش ، ايحلام آدلي
قول قانات آچري گئنيش بير مولكه
امپراتوري توركان آدلي
دنيزي قالديريپ آلميش بئلينه
سانكي سيمرغ خياليم اوجالير
لاكن اولدوق دا داها مست جمال
تييره يير حمليني ايديكده جالير
باخيشيم قول قانات آچديقجا اوچور
گوز ديير قوي هله باخديقجا باخيم
بو افقلرده سئوينجك قاريشيپ
شفقين آرخينا آخديقجا آخيم
ديــيـــرم آكفيله گاه جوماييم
افقون جيلويه ماوي يه تينه
گاه آتام دان قول آليپ يوكسه له ليم
باخاييم فكرتين هوريـيـتـيـنـه
طومار آچتيقجا خيال فيلم لري
جالانير بوردا آغير بير تاريخ
توزلي ،قانلي ، بوغوق توفانلار
سانكي گوزلر دومان ايچره مرريخ
هر يئرين توپراغي بير شئي به سلر
بورا دا دوغروسو قيرت كاني دير
بورداداشدان چوق ايگيت لرسوموگو
چشمه دن بوللو شهيت لر قاني دير
گورورم فاتحي ائتمكده هوجوم
اوخونوپ فاتحه ي دولت روم
شانلي داغلار اوجاليقلار گورورم
يينه بير چوق دره لر ، چوق اوچوروم
گورورم بير ابدي عزت وشان
گله جك فخري اولان بير گئچه جك
يوق بو ميللت ، بو ححقيقت اولمز
چاتاجاق خضرينه ، جالمين ايچه جك
دوزولوپ سانكي بو بالكنلار دا
گينه شاهلار تاجي ، بيگر فسيي دير
قولاق آسسان بو افقلر ده هنوز
پاشالار نعره سي عسكر سي دير
او گوزللر گوزلي ايستانبول
او دنيز لر قيزي ، دريا گليني
سانكي دريا چيچگي ، نيلوفر
قول آچيپ ، ساحيله آتميش اليني
بوردا سون بير مدنيت يارانيپ
نه بنالر ياپيليپ ، ال لر وار
نه جلالت ، نه صلابت علمي
آتا تورك لر گيبي هيكللر وار
شرق و قربي مدنيت قاووشوپ
بير اصيل نسلي بو توپراقدا دوغور
معرفتدن قول آليپ عزت نفس
جهلي ، فقري دوغولان يئرده بوغور
قوربت احساس ائيله مم من بوردا
سانكي اوز دوغما دياريم دي منيم
نرده واردي قارينداشلاريميز
آنا يوردومدي ، حصاريمدي منيم
من ده آذر بالاسي تورك اوغلو
قوناقام دوغما قارينداشلاريما
دئميشم آيري دوشن لشكريمي
گئدييم وصل ائدييم باشلاريما
ديلي ديني ، قاني بير قارداشيديق
سوزو بير دينله سه آغلار تاريخ
ايشده محكوم ائده رك باشچيلاري
قارا ميللت لري داغلار تاريخ
بيز ده سيز تك دينه لاقيد اولالي
گيتدي يئر لر بيزه گوك لر قالدي
شققه لنديك هره بير تايدا دوشوپ
بير كسيك باش گيبي سويلر قالدي
گل سيقاق بير كره قارداشليك الين
لئن ائدك نا خلف ايسلافيميزه
بونو نادير، او واقيت دويموشدي
قوي محبت قالا ايخلافيميزه
اوبا لار شاعيري يم درديميزي
دويورام ، چوق دا درين دويقودو بو
باش توتا ، توتمايا ، اوز دويغوملا
اويورام چوق دا شيرين اويقودو بو
گوروروم آي نازلي هيلاليم سانجاق
پارلاسين گئت گئده بو سونمز اوجاق
دئميرم قول ائدك دونياني بيز
دونيا آرتيق بيزي اينسان ساناجاق
بلاگا گؤره
من آتروپاتنا (TTOTT) و يولداشم ايكيميز بير يرده بو وبلاگي يازروخ اينشالاه بو وبلاگي بيه نسيز
بو وبلاگ آذربايجان اوچون يازلر و آيري هدفي يوخدو
آذربايجان اوياخدي و اوياخ دا قالاجاخ
ياشاسين آذربايجان/ياشاسين ايران/ياشاسين تيراختور/ياشاسين تورك ميلتي