اوروم گؤلو شعري

یازار : TTOTT  |  بؤلوم :

+0 امتياز


اوروم گؤلو
              

بوندان سورا ايلديريملار شاخمازلار
سللر سولار شاقيلديوب آخمازلار
قيزلار اونا صف باغليوب باخمازلار
كهليك لرين قانات وروب اوچمازلار
چونكه بو اولكه، داها توركون ديير
تورك اوغلانار سوز بير و ال بير ديير


اروم گولو بوينوو چوخ سيخيبلار
گوزلريوي چايلاقلارا يوموبلار
كورپونو قامچي بليوه وروب لار
دريا گوشون سنن اوزاق ساليبلار
گوي هامي نينير السين عيبي يوخ
بير يتيمين هشكيمه اميدي يوخ


اوروم گولو اولوم گونون هاواقدي؟
كاظيم داشي سنن داهي اوزاقدي
ملت ديير آذربايجان اوياقدي
بو انقلاب نجور سنه داياقدي؟
كفن گييب اولوموو دوزورسن
سوسوزلوق دان بو دونيادا اولورسن


اوروم گولو! سويچولرين لال اولوب
دورو سويون قانه باتيب آل اولوب
ملت سنن اوز دوندروب زار اولوب
شهريارين سوزو منه فال اولوب
«چرك غمي چيخوب خلقين آينا
هر كس قاليب اوز جانين هاينا»

شعر: مهدي مصطفي زاده

 

0 باخیش چهارشنبه 1390.8.11



  • [ ]